ആനുകാലിക ചോദ്യങ്ങൾ || ഓഗസ്റ്റ് 11, 2021

  • കേരളത്തിലെ പ്രമുഖ പത്രങ്ങളിൽ, ഓൺലൈൺ മാധ്യമങ്ങൾ, സമൂഹ മാധ്യമങ്ങൾ എന്നിവയിൽ  നിന്നും ദിവസവും കളക്ട് ചെയ്ത വളരെ പ്രധാനപ്പെട്ട ആനുകാലിക വിഷയങ്ങളുമായി ബന്ധപ്പെട്ട ചോദ്യങ്ങളും, അനുബന്ധ വിവരങ്ങളുമാണ് ഈ പോസ്റ്റിലൂടെ നിങ്ങളിൽ എത്തിക്കുന്നത്,   
  • കേരള പി.എസ്.സി പരീക്ഷയ്ക്കും, യു.പി.എസ്.സി, എസ്.എസ്.സി, ഐ.ബി.പി.എസ്, ആർ.ആർ.ബി, പോസ്റ്റൽ വകുപ്പ് തുടങ്ങീ മറ്റ് മത്സരപരീക്ഷകൾക്ക് തയ്യാറെടുക്കുന്നവർക്ക് ഇത് വളരെ ഉപകാരപ്പെടും.
  • മത്സരപരീക്ഷകളിൽ ഉയർന്ന റാങ്ക് നിർണ്ണയിക്കുന്നതിൽ ഒരു പ്രധാന പങ്ക് ആനുകാലിക ചോദ്യങ്ങൾക്കുണ്ട്. ആയതിനാൽ ഈ ചോദ്യങ്ങൾ ഒന്നും തന്നെ വിട്ടുപോകാതെ  പഠിക്കാനായി ദിവസവും ഈ വെബ്സൈറ്റ് സന്ദർശിക്കുക. (Site Bookmark ചെയ്യുന്നത് നല്ലതാണ്)
Current Affairs questions for Kerala PSC LDC, LGS, Secretariat Assistant, Uniform Post like Police, Excise, Fire force, LP, UP, HS Assistant, Company Board, Department Tests exams. Kerala PSC Current Affairs, Daily CA & GK, Current Affairs GK 2021, Current Affair August 2021, Current Event August 2021, Latest Current Affairs August 2021, Latest Current Affairs Questions in Malayalam, Malayalam Current Affairs Questions, Current Affairs questions from News Paper Daily


1
ഐക്യരാഷ്ട്ര സഭയുടെ ഐ.പി.സി.സി (ഇന്റർ ഗവൺമെന്റൽ പാനൽ ഓൺ ക്ലൈമറ്റ് ചേഞ്ച്) നടത്തിയ പഠന റിപ്പോർട്ടിൽ ഈ നൂറ്റാണ്ടിന്റെ അവസാനത്തിൽ കടൽ കവർന്നേക്കുമെന്ന ഭീഷണിയുള്ള ഇന്ത്യയിലെ 12 നഗരങ്ങളിൽ കേരളത്തിൽ നിന്നുള്ളത്.
  • ഉത്തരം :: കൊച്ചി
  • ഐ.പി.സി.സി യുടെ പഠനപ്രകാരം ഈ നൂറ്റാണ്ടിന്റെ അവസാനത്തോടെ 3 ആടിയോളം സമുദ്രനരപ്പ് ഉയരുമെന്നാണ് നിഗമനം.
  • പട്ടികയിൽ കൊച്ചിയെകൂടാതെ മുംബൈ, ചെന്നൈ, വിശാഖപട്ടണം, മംഗലാപുരം തൂടങ്ങീ പ്രമുഖ നഗരങ്ങളും ഉണ്ട്.
  • ഐ.പി.സി.സി യുടെ റിപ്പോർട്ടിന്റെ അടിസ്ഥാനത്തിൽ ലോകത്തിലെ സമുദ്രജലനിരപ്പ് വ്യക്തമാക്കുന്ന സീ-ലെവൽ പ്രൊജക്ഷൻ ടൂൾ നാസ വികസിപ്പിച്ചിട്ടുണ്ട്.
2
2021 ഓഗസ്റ്റിൽ മലയാള സിനിമയിൽ അര നൂറ്റാണ്ട് പിന്നിടുന്ന മലയാള നടൻ
  • ഉത്തരം :: മമ്മൂട്ടി
  • മുഹമ്മദ് കുട്ടി എന്ന മമ്മൂട്ടി 1971 ഓഗസ്റ്റ് ആറിന് പുറത്തിറങ്ങിയ "അനുഭവങ്ങൾ പാളിച്ചകൾ" എന്ന സിനിമയിലൂടെയാണ് സിനിമാ രംഗത്ത് കടന്നുവരുന്നത്.
  • 1980-ലാണ് വില്ക്കാനുണ്ട് സ്വപ്നങ്ങൾ എന്ന ചിത്രത്തിലാണ് ഒരു പ്രധാന വേഷം ചെയ്യുന്നത്.
  • 1980-ൽ തന്നെ ഇറങ്ങിയ "മേള" എന്ന സിനിമയാണ് മമ്മൂട്ടിയുടെ കരിയറിൽ വഴിത്തിരിവുണ്ടാക്കിയത്.
  • മൂന്നു പതിറ്റാണ്ടുകളിലേറെയായി സജീവ അഭിനയ രംഗത്തുള്ള മമ്മൂട്ടി മികച്ച നടനുള്ള ദേശീയപുരസ്കാരം മൂന്ന് തവണയും, കേരള സംസ്ഥാന ചലച്ചിത്രപുരസ്കാരം അഞ്ചു തവണയും, 12 തവണ ഫിലിംഫെയർ (ദക്ഷിണേന്ത്യൻ) പുരസ്കാരവും ലഭിച്ചിട്ടുണ്ട്.
  • ഭാരതസർക്കാരിന്റെ പത്മശ്രീ പുരസ്കാരം 1998-ൽ ലഭിച്ചു.
  • 2010-ൽ കേരള സർവകലാശാലയും, കാലിക്കറ്റ് സർവകലാശാലയും ഹോണററി ഡോക്ടറേറ്റ് നൽകി ആദരിച്ചിട്ടുണ്ട്.
  • മലയാളത്തിലെ പ്രമുഖ ചാനൽ ശൃംഖലയായ മലയാളം കമ്മ്യൂണിക്കേഷന്റം രൂപീകരണം മുതൽ മമ്മൂട്ടി ചെയർമാനാണ്. കൈരളി, പീപ്പിൾ, വി എന്നീ ചാനലുകൾ മലയാളം കമ്മ്യൂണിക്കേഷന്റെ കീഴിലുള്ളതാണ്.
  • കേരള സർക്കാരിന്റെ ഐ.ടി. പ്രോജക്ടായ അക്ഷയയുടെ ഗുഡ് വിൽ അംബാസഡറാണു മമ്മൂട്ടി.
  • അർബുദ രോഗികളെ സഹായിക്കുന്ന പെയിൻ & പാലിയേറ്റീവ് കെയർ എന്ന ചാരിറ്റ് സംഘടനയുടെ പേട്രൺ കൂടിയാണ് മമ്മൂട്ടി.
3
കോവിഡ് 19 രോഗികൾക്കായി ഫിസിയോളജിക്കൽ പാരാമീറ്ററുകൾ നോക്കാനായി ഇന്ത്യ തദ്ദേശീയമായി നിർമ്മിച്ച ചിലവ് കുറഞ്ഞ നിരീക്ഷണ ഉപകരണം
  • ഉത്തരം :: കോവിഡ് ബീപ്
  • ശരീരത്തിലെ ഓക്സിജന്റെ നില, ശരീര താപനില, ഹൃദയമിടിപ്പ് തുടങ്ങിയവ പരിശോധിക്കുന്നതിനുള്ള ഉപകരണമാണ് കോവിഡ് ബീപ്.
4
കേരളത്തിൽ കോവിഡ് ബാധിച്ചുള്ള ആദ്യ മരണം റിപ്പോർട്ട് ചെയ്തത് എന്നാണ്.
  • ഉത്തരം :: 2020 മാർച്ച് 28-ന്
  • കളമശ്ശേരി മെഡിക്കൽ കോളേജിൽ മട്ടാഞ്ചേരി സ്വദേശി യാക്കൂബ് ഹുസൈൻ സേട്ട് ആണ് കേരളത്തിൽ കോവിഡ് ബാധിച്ച് മരിക്കുന്ന ആദ്യ വ്യക്തി.
5
2021-ലെ ലോകമാന്യ തിലക് ദേശീയ അവാർഡിന് തിരഞ്ഞെടുത്തത്.
  • ഉത്തരം :: ഡോ.സൈറസ് പൂനവല്ല
  • പൂനെ ആസ്ഥാനമായുള്ള വാക്സിൻ നിർമ്മാതാക്കളായ സിറം ഇൻസ്റ്റിറ്റ്യൂട്ട് ഓഫ് ഇന്ത്യയുടെ ചെയർമാനാണ് ഡോ.സൈറസ് പൂനവല്ല.
  • ഇന്ത്യയിൽ അടിയന്തര ഉപയോഗത്തിന് അനുമതി നൽകിയ ആദ്യ കോവിഡ് വാക്സിനായ കോവിഷീൽഡിന്റെ നിർമ്മാതാക്കളാണ് സിറം ഇൻസ്റ്റിറ്റ്യൂട്ട്.
  • ഒരു ലക്ഷം രൂപയും മെമന്റോയും അടങ്ങുന്ന അവാർഡ് ആഗസ്റ്റ് 13 നാണ് നൽകുന്നത്.
6
ദളിതരുടെ ശാക്തീകരണത്തിനായി "ദളിത് ബന്ധു" പദ്ധതി 2021 ഓഗസ്റ്റിൽ ആരംഭിച്ച സംസ്ഥാനം
  • ഉത്തരം :: തെലങ്കാന
  • തെലങ്കാന മുഖ്യമന്ത്രി കെ ചന്ദ്രശേഖർ റാവു (KCR) ആണ് ദളിതരുടെ ശാക്തീകരണത്തിനായി 80000 മുതൽ 1 ലക്ഷം കോടി രൂപ വരെ ജനങ്ങളിൽ നേരിട്ട് എത്തിക്കുന്ന "ദളിത് ബന്ധു" പദ്ധതി പ്രഖ്യാപിച്ചത്. ഇന്ത്യയിലെ തന്നെ ഏറ്റവും വലിയ നേരിട്ടുള്ള കൈമാറ്റ (Direct Transfer Scheme) പദ്ധതിയായി ഇതിനെ വിശേഷിപ്പിക്കാം.
7
കേരള കായിക മന്ത്രി ആരാണ്
  • ഉത്തരം :: വി.അബ്ധുറഹ്മാൻ
  • ഒളിമ്പിക്സ് മെഡൽ നേടിയ ഇന്ത്യൻ ഹോക്കി ടീം അംഗമായ കേരളത്തിന്റെ അഭിമാനം പി.ആർ.ശ്രീജേഷിന് പാരിതോഷികം നൽകാത്തതിൽ ഒളിമ്പ്യൻ അഞ്ജു ബോബി ജോർജ് ഉൾപ്പെടെയുള്ളവർ വിമർശനമുന്നയിച്ചിരുന്നു.
8
പൂർണ്ണമായും ഡിജിറ്റൽ രൂപത്തിൽ നടത്താൻ ഉദ്ദേശിക്കുന്ന 2021-ലെ സെൻസസ് ഇന്ത്യയിലെ എത്രാമത്തെ സെൻസസ് ആണ്
  • ഉത്തരം :: 16-മത്തെ
  • ഇന്ത്യയിൽ ആദ്യമായി ഡിജിറ്റൽ സെൻസസ് നടപ്പിലാക്കാൻ ഉദ്ദേശിക്കുന്നത് 2021-ലെ സെൻസസിലാണ്.
  • വിവരശേഖരതിത്തിനുള്ള മൊബൈൽ ആപ്പും സെൻസസുമായി ബന്ധപ്പെട്ട പ്രവർത്തനങ്ങൾ നിയന്ത്രിക്കുന്നതിനും നിരീക്ഷിക്കുന്നതിനുമുള്ള സെൻസസ് പോർട്ടലും ഇതിനായി ആഭ്യമന്ത്രാലയം വികസിപ്പിച്ചിട്ടുണ്ട്.
  • നേരത്തെ വീടുകൾ കേന്ദ്രീകരിച്ച ഫോമുകൾ പൂരിപ്പിച്ചുള്ള കണക്കെടുപ്പായിരുന്ന നടന്നിരുന്നത്, എന്നാൽ 2021-ലെ സെൻസസ് പൂർണ്ണമായും ഡിജിറ്റലാക്കി മാറ്റാനാണ് കേന്ദ്ര സർക്കാർ ഒരുങ്ങുന്നത്.
  • ഇന്ത്യയിലെ പതിനാറാമത്തെയും സ്വതന്ത്ര ഇന്ത്യയിലെ 8 -മത്തെയും സെൻസസാണ് 2021-ൽ നടക്കേണ്ടിയിരിക്കുന്നത്.
  • ഇന്ത്യയിൽ അവസാനമായി സെൻസസ് നടന്നത് 2011-ലാണ് അത് 15-മത്തെ സെൻസസ് ആയിരുന്നു.
9
ഇന്ത്യയിൽ ആദ്യമായി സെൻസസ് നടന്നത്
  • ഉത്തരം :: 1872-ൽ
  • ബ്രിട്ടീഷ് ഭരണകാലത്താണ് ഇന്ത്യയിൽ ആദ്യമായി സെൻസസ് നടന്നത്. ബ്രിട്ടീഷ് വൈസ്രോയി ആയിരുന്ന മേയോ പ്രഭുവാണ് 1872-ൽ സെൻസസിനു തുടക്കമിട്ടത്.
10
ഇന്ത്യയിലെ ആദ്യ സമ്പൂർണ്ണ സെൻസസ് (കനേഷുമാരി) നടന്ന വർഷം
  • ഉത്തരം :: 1881
  • സ്വാതന്ത്ര്യം ലഭിക്കുന്നതിനുമുമ്പ് ഇന്ത്യയിൽ 8 സെൻസസുകളാണ് നടന്നത്, 1872, 1881, 1891,1901,1911, 1921, 1931,1941 എന്നീ വർഷങ്ങളിലായിരുന്നു അവ നടന്നത്.
  • ബ്രിട്ടീഷ് ഇന്ത്യയിലെ എട്ടാമത്തെയും അവസാനത്തെയും സെൻസസ് നടന്നത് 1941-ലാണ്.
11
സ്വതന്ത്ര ഇന്ത്യയിലെ ആദ്യ സെൻസസ് നടന്നത്
  • ഉത്തരം :: 1951-ൽ
  • ഇന്ത്യക്ക് സ്വാതന്ത്ര്യം ലഭിച്ചതിനുശേഷം 1951, 1961,1971,1981,1991,2001,2011 എന്നീ വർഷങ്ങളിലാണ് സെൻസസ് നടന്നത്.
കണ്ടും കേട്ടും PSC പഠിക്കാം
  • സുഹ്രുത്തുക്കളെ, ഈ വെബ്സൈറ്റിൽ ഉൾപ്പെടുത്തിയിരിക്കുന്ന ചോദ്യങ്ങൾ വീഡിയോ രൂപത്തിൽ നിങ്ങൾക്ക് ഇനി കണ്ടും കേട്ടും പഠിക്കാം.  വീഡിയോ കാണാനായി ഇവിടെ ക്ലിക്ക് ചെയ്യുക :: PSCPQS Online - Current Affairs - 11/08/2021 (Malayalam) 
വായനക്കാരുടെ ശ്രദ്ധയ്ക്ക്
  • ഈ പോസ്റ്റിൽ ആനുകാലിക വിഷയങ്ങളുമായി ബന്ധപ്പെട്ട പൊതുവിജ്ഞാന ചോദ്യങ്ങൾ ഉൾക്കൊള്ളിച്ചിരിക്കുന്നത്,  പോസ്റ്റ് ചെയ്യുന്ന DATE ന്റെ അടിസ്ഥാനത്തിലാണ്.
  • CURRENT AFFAIRS ചോദ്യങ്ങളായതിനാൽ അവയുടെ ഉത്തരങ്ങൾ വരും ദിവസങ്ങളിലോ, മാസങ്ങളിലോ, വർഷങ്ങളിലോ മാറാവുന്നതാണ്. ആയതിനാൽ നല്ലവരായ വായനക്കാർ തെറ്റുകൾ കാണുകയാണെങ്കിൽ ദയവായി COMMENT ബോക്സിൽ അവ കമന്റ് ചെയ്യേണ്ടതാണ്, ഭാവിയിൽ ഇത്തരം പോസ്റ്റുകൾ കാണുന്നവർക്ക് നിങ്ങളുടെ COMMENT വളരെ പ്രയോജനകരമായിരിക്കും